Mat 16 | Ndebele | STEP | AbaFarisi labaSadusi sebezile, be m linga bamcela ukuthi abatshengise isibonakaliso esivela ezulwini .

Matthew 16

Abafuna isibonakaliso

1 AbaFarisi labaSadusi ^a sebezile, bemlinga bamcela ukuthi abatshengise isibonakaliso esivela ezulwini ^b. 2 Kodwa waphendula wathi kubo: Kusihlwa lithi ^c: Umkhathi muhle; ngoba isibhakabhaka sibomvu; 3 lekuseni lithi: Umkhathi mubi lamuhla; ngoba isibhakabhaka sibomvu sinyukubele. Bazenzisi, liyakwazi ukwehlukanisa umumo wesibhakabhaka; kodwa izibonakaliso zezikhathi lingeke ^d yini? 4 Isizukulwana esibi lesifebayo sidinga isibonakaliso; kodwa kasiyikunikwa isibonakaliso, ngaphandle kwesibonakaliso sikaJona umprofethi. Wasebatshiya, wahamba ^e.

UJesu ukhuza abafundi ngokungaqedisisi kwabo

5 Sebefikile ngaphetsheya abafundi bakhe babekhohliwe ukuthatha izinkwa. 6 UJesu wasesithi kubo: Nanzelelani liqaphele ^f imvubelo yabaFarisi labaSadusi ^g. 7 Basebekhulumisana besithi: Ngoba singathathanga izinkwa ^h. 8 UJesu esekwazi wathi kubo: Lina abokholo oluncinyane ⁱ, kungani likhulumisana ngokuthi alithathanga izinkwa ^j? 9 Kalikaqedisisi yini, futhi kalikhumbuli izinkwa ezinhlanu zenkulungwane ezinhlanu ^k, lokuthi labutha izitsha ezingaki ^l? 10 Futhi lezinkwa eziyisikhombisa zenkulungwane ezine, lokuthi labutha izitsha ezingaki ^m? 11 Kaliqedisisi njani, ukuthi bekungemayelana lesinkwa ebengikukhuluma kini ukuthi liqaphele imvubelo yabaFarisi labaSadusi ⁿ? 12 Basebeqedisisa ukuthi katshongo ukuthi baqaphele imvubelo yezinkwa ^o, kodwa imfundiso yabaFarisi labaSadusi ^p.

Isivumo sokholo sikaPetro

13 Kwathi uJesu esefikile kungxenye zeKesariya yeFiliphu wababuza abafundi bakhe, esithi: Abantu bathi, mina, iNdodana yomuntu, ngingubani ^q? 14 Basebesithi: Abanye bathi: NguJohane uMbhabhathizi ^r; labanye bathi: NguElija ^s; labanye bathi: NguJeremiya, kumbe ngomunye wabaprofethi ^t. 15 Wathi kubo: Lina-ke lithi ngingubani? 16 USimoni Petro wasephendula wathi: Wena unguKristu, iNdodana ^u kaNkulunkulu ophilayo ^v. 17 UJesu wasephendula wathi kuye: Ubusisiwe ^w, Simoni ndodana kaJona ^x, ngoba inyama legazi ^y kakukwembulelanga lokhu ^z, kodwa uBaba osemazulwini ^aa. 18 Lami-ke ngiyakutshela, ukuthi wena unguPetro ^ab; laphezu kwalelidwala ngizalakha ibandla lami ^ac, lamasango esihogo kawayikulehlula ^ad. 19 Futhi ngizakunika izihluthulelo zombuso wamazulu ^ae; njalo loba yini ozayibopha emhlabeni, izakuba ibotshiwe emazulwini; njalo loba yini ozayithukulula emhlabeni, izakuba ithukululwe emazulwini ^af. 20 Wasebalayisisa abafundi ukuthi bangatsheli muntu ukuthi yena unguJesu onguKristu ^ag.

UJesu ukhuluma ngokuhlupheka kwakhe

21 Kusukela kulesosikhathi uJesu waqala ukubatshengisa abafundi bakhe ^ah ukuthi umele ukuya eJerusalema ^ai, njalo ahlupheke okunengi ngabadala labapristi abakhulu lababhali, abulawe ^{aj
,} ^ak, avuswe ngosuku lwesithathu ^al. 22 UPetro wasesiya laye eceleni waqala ukumkhuza esithi: Kakungabi kuwe ^{▼▼ kakungabi kuwe: kumbe, zizwele}, Nkosi; lokhu kakusoze kwenziwa kuwe. 23 Kodwa yena watshibilika wathi kuPetro: Suka ngemva kwami, Sathane ^an, uyisikhubekiso kimi ^ao; ngoba kawucabangi izinto zikaNkulunkulu, kodwa ezabantu ^ap.

Ukuhlutshwa kukaJesu lokwabamlandelayo

24 UJesu wasesithi kubafundi bakhe: Uba umuntu ethanda ukuza ngemva kwami, kazidele, athathe isiphambano sakhe, angilandele ^aq. 25 Ngoba loba ngubani othanda ukusindisa impilo yakhe izamlahlekela ^ar; kodwa loba ngubani olahlekelwa yimpilo yakhe ngenxa yami uzayithola; 26 ngoba kuzamsizani umuntu nxa ezuza umhlaba wonke ^as, kodwa alahlekelwe ngumphefumulo wakhe ^at? Kumbe umuntu uzanikani ^au kube lihlawulo lomphefumulo wakhe ^av? 27 Ngoba iNdodana yomuntu izakuza ngenkazimulo kaYise ^aw kanye lengilosi zayo ^ax, khona izavuza ngulowo lalowo njengokwenza kwakhe ^ay. 28 Ngiqinisile ngithi kini: Bakhona abanye kwabemiyo lapha, abangasoze bezwe ukufa ^az, baze bayibone iNdodana yomuntu isiza embusweni wayo ^ba.